Analisti Preç Zogaj, duke komentuar përplasjet në Partinë Demokratike, u ndal në përçarjen e grupimit të Lulzim Bashës dhe Gazment Bardhit. Sipas tij kjo përçarje ka ardhur për shkak të fatit të karrierës politike të deputetëve që po shkojnë drejt një bashkimi me grupimin e Sali Berishës.
Sipas analistit, deputetët mendojnë se kanë më shumë mundësi për t’u rizgjedhur sërish deputetë në grupin e Berishës se sa nëse do të garonin për Lulzim Bashën.
“Ajo që ka ndodhur është më e thjeshtë, grupi i Gazment Bardhit në Kryesinë e Partisë Demokratike nuk gjeti gjuhën me grupin tjetër në Partinë Demokratike për zgjedhjet në parti.
Asnjë prej opsioneve nuk ishte vetëm i mirë apo vetëm i keq, duhet të kishte pasur më shumë urtësi apo gjakftohtësi për të përballur atë konfrontim qëndrimesh.
E dimë s’i shkoi, grupi i Bardhit bojkotoi procesin zgjedhor dhe nën petkun e kësaj mosmarrëveshjeje për zgjedhjet vlonin dhe divergjenca të tjera që lidhen me pozicionin e kësaj partie ndaj grupit të Rithemelimit.
Këto divergjenca u thelluan dhe më tej. Kemi të bëjmë me një testim të Bardhit me shokë për të kaluar vijën ndarëse që ata kanë miratuar në Kuvendin e 18 dhjetorit që vënë një kusht të panegociueshëm që nuk do të bashkëpunojnë me persona non-grata.
Kalimi i kësaj vije është një e drejtë e tyre dhe aty kanë parë mundësi më të madhe për t’u zgjedhur deputetët dhe për të vijuar karrierën e tyre, pasi grupi i Berishës është më i madh”, tha Zogaj në studion e Euronews Albania.
Discussion about this post