Organizatat e shoqërisë civile dhe përfaqësues të institucioneve shkencore e akademike në vend kanë kundërshtuar 2 vendimet e fundit të marra nga Këshilli i Ministrave në lidhje me zonat e mbrojtura. Në një shkresë të përbashkët, ata thonë se këto vendime reduktojnë me 11% sipërfaqet e mbrojtura ligatinore, duke rrezikuar dhe habitatet.
Ornitologu Mirjan Topi tha sot gjatë një interviste televive se vendimet e qeverisë. “Pashë deklaratën e ministres së Mjedisit, që propagandon. Statusi që ne kemi kërkuar për Vjosën është ai i parkut kombëtar dhe jo atij natyror. Ky i fundit është kategoria IV dhe ka regjim menaxhimi të ndryshëm. Në parqet kombëtare ndalohet ndërtimi i HEC, ndërsa për parkun natyror ligji nuk e thotë qartë. E njëjta gjë ka ndodhur me parkun e Munellës. E kërkuam park kombëtar, u shpall park natyror. Nuk po krijohet ndonjë mbrojtje e madhe. Këto më duken si përpjekje për të kamufluar gllabërimin e sipërfaqeve ligatinore”. U shpreh ai.
Topi tha se rritja e sipërfaqeve të zonave të mbrojtura, e bërë me VKM, është e papërfillshme. Sa i takon sipërfaqeve ligatinore, sipas Topit, ato përbëjnë 2.7% të sipërfaqes totale të vendit, por vetëm në 1.5% nga kjo pjesë mund të ndërtohet.
Discussion about this post