Jona Mullaraj, “zonja e drogës” me origjinë nga Shqipëria, e cila përfundoi në pranga kishte marrë pjesë në një event ku lobonte luftën ndaj trafikut të drogës. Mediet e huaja shkruajnë se ajo bënte një jetë të dyfishtë, pasi shfaqej herë pas here në të tilla evente, e madje nën shoqërinë e zyrtarëve të shtetit italian, teksa njëkohësisht ishte pjesë e trafikut të drogës.
Selfie të marra në nga një event Anti-drogë i organizuar më 27 shkurt, shfaqin shqiptaren me përfaqësuesit e administratës lokale dhe presidentin e Rajonit të Lombardisë, Attilio Fontana. Së bashku ata festuan përvjetorin e parë të luftës kundër drogës, rezultat i një operacioni të madh të zbatimit të ligjit dhe një viti i pandemisë që kishte reduktuar në mënyrë drastike krimin në zonë. Nënkryetari i Bashkisë është shprehur se shqiptarja ishte e pranishme gjithmonë në të tilla evente dhe nuk kishte shfaqur asnjë shenja që të dyshonin rreth saj.
Hetimet e policisë Italiane filluan pranverën e kaluar kur pronari i një ndërtese në Cesano Maderno kishte denoncuar vjedhjen në një garazh, pasi atje, u kuptua shpejt se malli i vjedhur ishte në të vërtetë drogë. Autori i vjedhjes së 450 kg hashash kishte qenë miku i Mullaraj, 45-vjeçari banues në rrethinat e Milanos, i cili i kishte vjedhur shefit të tij një sasi të madhe hashashi. Ndaj hetimet çuan në arrestimin e gjithsej pesë personave, përfitues të masës paraprake në burg për trafik droge.
Discussion about this post