Zonja e parë e Shteteve të Bashkuara të Amerikës, Jill Biden, e shoqëruar nga zonja e parë rumune Carmen Iohannis, vizitoi një shkollë më herët këtë mëngjes ku biseduan me edukatorë ukrainas dhe rumunë, folën me nënat ukrainase dhe u takuan me fëmijë.
Pas vizitës së saj në këtë shkollë, Biden foli pak me gazetarët përpara se të hipte në aeroplan, duke diskutuar ndikimin emocional të vizitës së saj në shkollë dhe guximin e nënave që takoi.
“Ishte kaq emocionuese, apo jo? Unë mendoj se vërtet ukrainasit e dinë se ne po qëndrojmë pranë tyre. Ju mund ta shihni ata fëmijë kanë vuajtur vërtet shumë”.
Gjithashtu, brenda një klase në një moment një vajzë e vogël iu afrua zonjës së parë duke mbajtur pjesë të prera nga flamuri ukrainas. Biden i kërkoi asaj të ndante mesazhin e saj dhe një përkthyes pranë vajzës tha se ajo tha: “Dua të kthehem te babai im”.
Zonja e Parë u ul në një tavolinë për të folur me një grup fëmijësh, të cilët, sipas mësuesit të tyre, po punonin në një vizatim se si do të dukej bota pa luftë.
Nga ana tjetër, Anastasia Konovalvoa një mësuese ukrainase e cila iku në mars për në Rumani, ishte mes atyre që treguan historinë e saj.
“Kam kaluar kufirin me djalin tim 3-vjeçar dhe gjithçka që mendoja ishte se si ta shpëtoja fëmijën tim nga një qytet që po bombardohej”.
Pas takimit me ta, ata dolën jashtë ku nxënësit kënduan himnin kombëtar rumun të ndjekur nga kënga e marshimit ushtarak ukrainas pas së cilës gjë zonja Biden është nisur për në Sllovaki.
Discussion about this post