Një ngjarje e rëndë ka tronditur Ukrainën në ditën e 74 të luftës ku një shkollë është bombarduar dhe sipas informacioneve dyshohet se kanë vdekur mbi 60 persona.
Zona e goditur gjendet në Bilohorivka dhe shkolla ishte streha e 90 civilëve të larguar nga përplasjet e armatosura të cilat prej më shumë se dy muajsh mbulojnë me gjak tokën ukrainase. Guvernatori Serhiy Gaidai është shprehur se 30 prej tyre kanë arritur të shpëtojnë prej ndërhyrjes së zjarrfikëseve ku gjatë gërmimeve janë gjetur trupat e dy fëmijëve ndërsa trupat e tjerë sipas dyshimeve kanë ngelur në rrënojat e shkollës e cila është kthyer në gërmadhë.
Zonja e parë e Shteteve të Bashkuara të Amerikës Jill Biden ka bërë një vizitë të paplanifikuar në Ukrainë duke kaluar kufirin nga Sllovakia për të takuar në një shkollë që strehon civilë, Olena Zelenska gruan e presidentit Zelensky.
“Doja të vija në ditën e nënës. Mendova se ishte e rëndësishme t’i tregoja popullit ukrainas se kjo luftë duhet të ndalet dhe kjo luftë ka qenë brutale dhe se populli i Shteteve të Bashkuara qendron me popullin e Ukrainës,”- ka deklaruar Jill Biden.
Kjo ishte vizita e parë publike e zonjës Zelensky qëkur Rusia filloi pushtimi ndaj Ukrainës më 24 shkurt. Zonja e parë e Ukrainës falënderoi znj.Biden “për këtë akt shumë të guximshëm”.
Në Ukrainë është shfaqur edhe vokalisti i grupi iralndez U2, Bono i cili këndoi në metro një koncert simbolik të lirisë në Kiev përpara një publiku të vogël, që përfshinte edhe ushtarë ukrainas. Bono ka vlerësuar luftën e Ukrainës për “liri” dhe bëri një lutje “për paqe”.
Discussion about this post