Komisioni i Pavarur i Kualifikimit ka shkarkuar sot nga detyra gjyqtaren e Apelit Tiranë, Bernina Kondi. Trupa gjykuese sqaroi gjatë seancës se mori këtë vendim, pasi Kondi ka bërë deklarim të rremë të pasurisë në raportimin e saj të parë dhe tashmë nuk justifikon dot blerjen e një apartamenti me sipërfaqe 57 metër katrorë në Tiranë, me vlerë 39 mijë euro, në vitin 2004.
Në fjalën e saj gjatë seancës dëgjimore për blejen e apartamentit Kondi ka deklaruar se ka marrë dy kredi: një të marrë në “Alpha Bank” më 7 korrik 2005 në vlerën 2.5 milionë lekë dhe tjetrën nga fondacioni Besa në shumën 500 mijë lekë. Ajo ka thënë se ka paguar në vitin 2004 12 mijë euro dhe në vitin 2005 vlerën 23 mijë euro kompanisë së ndërtimit.
Por, KPK konstaton se ajo nuk ka raportuar në deklaratën e vitin 2005 se ka një detyrim të pashlyer për shtëpinë në vlerën 4 mijë euro, madje nuk ka raportuar pagesën në vitin 2006 të kësaj shume, që përfaqësonte këstin e fundit. Kështu duke krahasuar dy deklaratat e ndryshme të gjyqtares, KPK gjeti se në vitin 2010, Kondi ka pasur balancë negative pasurie në vlerën 1.593.639 lekë, në të njëjtin vit kur ka shlyerjen kredinë.
Madje, u gjet se famuilja e saj rezultonte të ketë dy apartamente në pronësi dhe jo s aka deklaruar Kondi. Duke marrë parasysh këto fakte KPK vendosi në mënyrë unanime shkarkimin e saj.
Discussion about this post