Zv.kryebashkiaku i Kukësit thirret në SPAK

Granit Gjana, zv.Kryetar i Bashkisë së Kukësit, është paraqitur sot në SPAK.

Sipas raportimeve, Gjana është thirrur për tu marrë në pyetje lidhur me atë që njihet si skandali “Gjici”.

Ish-Kryebashkiaku i Kukësit, Safet Gjici, ndodhet në paraburgim, pas publikimit të një video-skandali, ku ai shfaqej në zyrën e tij me shtetasen Alma. K, duke bërë seks, ndërsa më pas flisnin për tenderin e sterilizimit të qenve për Bashkinë e Kukësit.

Pikërisht gjatë kësaj bisede, Gjici thërret zv.Kryetarin Gjana, të cilit i kërkon të merrej me procedurat e tenderit.