Zëvendëskryeministrja për Integrimin Evropian dhe Euro-Atlantik të Ukrainës, Olga Stefanishyna tha se situata në Ukrainë po bëhet “gjithnjë e më e rëndë” me kalimin e ditëve.
Në një intervistë për Skynews, ajo pretendoi se Rusia ka kryer pothuajse të gjitha krimet e mundshme të luftës që ka parë njerëzimi, duke shtuar se numri i viktimave civile është shumë më i madh se ata nga forcat e armatosura të Ukrainës.
“Është absolutisht thelbësore që askush të mos mësohet me luftën. Ne qëndrojmë, ne rezistojmë dhe do të shkojmë më të fortë. Ukraina do të rezistojë për aq kohë sa të jetë e nevojshme për t’u siguruar që në shekullin e 21-të të mos kryhet terror, asnjë gjenocid në këtë tokë.”-tha ajo.
Ajo tha se është mjaft e qartë se populli ukrainas nuk mund t’i rezistojë vetëm këtyre sulmeve, duke thënë se të gjithë liderët botërorë duhet të qëndrojnë të bashkuar he të krijojnë koalicion kundër luftës.
E pyetur nëse mendon se ajo që po ndodh është një gjenocid, ajo tha: “Unë absolutisht e besoj atë… Putin dhe Kremlini janë kriminelë lufte“.
Ajo tha se ka “histori të tmerrshme” për gratë të cilat janë përdhunuar për orë të tëra dhe më pas janë vrarë.
“Çdo ushtar i vetëm që ka kryer këtë krim lufte do të mbajë përgjegjësi.Gratë ukrainase ne do të qëndrojmë së bashku dhe do të triumfojmë.“-përfundoi ajo.
Discussion about this post