Zëvendësministri i Administrimit të Pushtetit Lokal, Arbër Vokrri është larguar nga objekti i Komunës së Leposaviçit pas nëntë ditë të qëndrimit të tij brenda këtij objekti bashkë me kryetarin e komunës Lulzim Hetemin, i cili ende është duke qëndruar aty.
Vokrri përmes një video mesazhi në rrjetin e tij social në Facebook ka shkruar se sot është dita e fundit e qëndrimit të tij brenda objektit të komunës, dhe siç u shpreh ai mes emocioneve të përziera është përshëndetur me kryetarin Hetemi.
“Sot është dita e nëntë dhe e fundit e qëndrimit tim në Komunën e Leposaviqit. Erdhi momenti me u largu dhe me emocione të përziera u përshëndeta me kryetarin e Komunës, Lulzim Hetemi, burrë shumë stoik, shumë i motivuar me vazhduar deri në fund dhe me kry misionin faqebardhë”, ka thënë Vokrri.
Discussion about this post