Skuadra e Tiranës mban vendin e parë në klasifikim por nuk kanë bindur me lojë në katër takimet e para. Zv.trajneri i kësaj skuadre Erbim Fagu ka theksuar se largimi i Çelhakës në fundin e merkatos ka shkaktuar shumë probleme në ekip.
“Iku në momentin që askush nuk e priste, as stafi e as presidenti. Nëse do të ikte më parë, do ta zëvendësonim, por ai bëri edhe fazën përgatitore. Mungesa e tij ka lënë boshllëk, edhe rezultatet e dobëta të ndeshjeve të para kanë qenë nga konsolidimi i mesfushës se jemi munduar të gjejmë lojtarin që të zëvendësonte Çelhakën se karakteristikat e tij nuk i plotëson asnjë mesfushor që kemi.
Duke parë Najdovskin që ka luajtur në karrierë si mesfushor, e kemi testuar. Mendoj se e ka bërë mirë me Kastriotin e Laçin, mbetet të shihet nëse do të mbulojë tërësisht atë rol”, shpjegoi Fagu.
