Pjesë e projektit të 100 fshatrave turistikë, Zvirina nuk ka as kushtet bazë për të jetuar, e jo më për të pritur turistët. Një fshat me rreth 1600 banorë, i gjendur vetëm 10 km larg Maliqit, banorët përballen me kushtet e vështira e mungesën e investimit. U fol se do t’i jepej hov turizmit, por as kjo nuk ndodhi, pasi gjendja në të cilën është, i ka detyruar edhe të rinjtë ta braktisin. Mungesa e investimeve është shkaktari kryesor për gjithçka, duke konfirmuar lënien në harresë nga shteti. Veç problemeve infrastrukturore, banorët nuk furnizohen me ujë të pijshëm, duket u detyruar të blejnë, ose ta mbushin diku gjetkë. Baza mbetet bujqësia, e cila ndodhet në një pikë kritike, pasi nuk ka kanale vaditëse. Për banorët, jetesa aty është e vështirë, madje tregojnë dhe se si e gjejnë zgjidhjen.
Burra e gra shkojnë e mbushin bidonët me ujë, në vetëm 2 burime që ka fshati, madje duke u detyruar edhe të presin në radhë.
As premtimet e kandidatëve nuk kanë fund, por asnjëri prej tyre nuk e ka mbajtur fjalën. Bashkia në njërën anë i hedh fajin qeverisë, e këta të fundit anasjelltas.
