Thomas Strakosha është portieri më i ri i AEK-ut të Athinës. Gardiani i Kombëtares rikthehet pas 12 vitesh në Greqi dhe ka firmosur deri në verën e 2029-s. Skuadra greke ka paguar shumën për kartonin e tij nga Brentford në Premier League.
“AEK njofton blerjen e Thomas Strakoshas. Portieri shqiptar ka nënshkruar kontratë bashkëpunimi me ekipin tonë deri në qershor të vitit 2029” – shkruan AEK. 29-vjeçari i pati fillimet te Salernitana në Seria B, përpara se të kalonte te Lazio, skuadër në të cilën luajti për disa sezone. Debutimi i Strakoshës, me skuadrën e re në një ndeshje zyrtare pritet me padurim nga tifozët.
“Unë jam shumë i lumtur që transferimi im te AEK u kompletua. Po pres me padurim që të nis stërvitjen dhe të jem në gatishmëri të trajnerit tim. Që nga sot nuk ka më fjalë, vetëm punë”, – tha ai.
gijotina.com/
Discussion about this post