Giorgio Chiellini ka njoftuar vazhdimin e kontratës së tij me Juventusin. Mbrojtësi që bën 37 vjeç muajin e ardhshëm dhe teknikisht ka kapitenuar Italinë në triumfin e tyre në EURO 2020 si lojtar i lirë, sepse kontrata e tij skadoi më 30 qershor tashmë ka vendosur për të ardhmen.
Kampioni është akoma me pushime, por kthimi i tij te Juventus për stërvitje nuk është më në dyshim.
“Më duhen edhe disa ditë për të pushuar dhe për t’u rikuperuar nga kaosi i muajit të fundit, por të hënën do të jem në Torino dhe i lumtur që do të filloj përsëri stërvitjen”, tha Chiellini në një ceremoni në Livorno.
Ai po merrte një çmim për performancën e tij në fanellën e Italisë, të cilën e drejtoi te fitorja e Kampionatit të parë Evropian që nga viti 1968 dhe trofeut të parë që nga Kampionati Botëror 2006.
Për herë të parë në nëntë vjet, Juve filloi sezonin e Serie A pa statusin e tyre si kampionë në fuqi, pasi Interi i dha fund dominimit të ‘Bardhezinjëve’ në sezonin që u mbyll.
Chiellini u bashkua me Juventus në vitin 2005 dhe ka bërë 535 paraqitje për klubin në të gjitha garat, duke shënuar 36 gola dhe duke dhënë 24 asistime.
Ai fitoi nëntë tituj të Serisë A, pesë edicione të Kupës së Italisë, pesë superkupa italiane dhe titullin e Serisë B./Gijotina.com
