Bledar Devolli nuk është më trajneri i Dinamos. Klubi kryeqytetas ka konfirmuar në kanalet e komunikimit largimin e teknikut dhe vendin e tij do e zërë përkohësisht Erion Xhafa, ish-zëvendëstrajneri kampion i Tiranës.
Devolli në stolin e Dinamos drejtoi gjashtë takime, duke koleksionuar katër humbje, një barazim dhe një fitore.
Pritet që te Nëndetësja të emërohet italiani Rodolfo Vanoli. 59 vjeçari ka drejtuar klube si Udinese, CSKA Sofie, Koper apo NK Olimpija Lijubjana.
Njoftimi:
Në mbledhjen e sotme, pas ndeshjes së humbur me Kukësin, Futboll Club Dinamo me miratimin e presidentit Adrian Bardhi ka marrë vendimin për të ndërprerë me marrëveshje bashkëpunimin me trajnerin Bledar Devolli.
Klubi blu falënderon z.Devolli për punën e bërë dhe për energjitë e tij për kohën që drejtoi skuadrën tonë.
Deri në momentin e prezantimit të trajnerit të ri, skuadrën në stërvitje do ta drejtojë zëvendëstrajneri Erion Xhafa./Newssport
Discussion about this post