RB Leipzig ka emëruar Domenico Tedescos si trajnerin e ri të skuadrës.
Pas ndërprerjes në mënyrë të ndërsjellë të kontratës me trajnerin Jesse Marsch, RB Leipzig ka gjetur pasuesin e tij disa ditë më pas.
Tashmë skuadra do drejtohet nga 36-vjeçari gjermano-italian, Domenico Tedesco, i cili është konfirmuar si teknik i ri.
Ky lajm është bërë publik nga vetë klubi gjerman në një postim në faqen zyrtare në rrjetet sociale.
“Mirë se vini në RB Leipzig, Domenico Tedesco! 36-vjeçari merr drejtimin nga Jesse Marsch si trajner kryesor me një marrëveshje deri në qershor 2023”, -shkruhet në postimin e klubit gjerman.
Tedesco në fillim të karrierës ka drejtuar klubet e moshave të Stuttgart dhe Hoffenheim, ndërsa ekipet e para që ka udhëhequr janë: Erzgebirge Aue, Schalke 04 dhe Spartak Moscow./K.T/Gijotina.com
Discussion about this post