Klubi i Elbasanit ka bërë zyrtar me një postim në rrjetet sociale afrimin e një qendërmbrojtësi që i është bashkuar skuadrës së drejtuar nga Roberto Bordin.
Futbollisti Emir Azemoviç i është bashkuar tashmë verdhebluve dhe pritet të jetë pjesë e rëndësishme e prapavijës së skuadrës e cila synon që në këtë edicion të mos shohë vetëm për mbijetesën, por edhe për të hyrë në “Final Four”.
Qendërmbrojtësi 27-vjeçar i bashkohet Elbasanit pas eksperiencave në kampionate të njohura si ai portugez, polak, slloven e serb, ndërsa pritet që të jetë titullar fiks në radhët e ekipit për sezonin e ri.
Discussion about this post