Dua t’u drejtohem tifozëve të Atalantës me zemër të hapur. Mendimi im i parë në këto orë është për ta“.
Kështu fillon letra, dërguar “Eco di Bergamo”, me të cilën Gian Piero Gasperini i jep lamtumirën Atalantës dhe qytetit të Bergamos pas një përvoje shumë të gjatë, 9 vjet, me 439 ndeshje zyrtare dhe një Ligë Europe në kabinetin e tij të trofeve.
“Mendimi im i parë shkon tek tifozët. Nuk ishte e mundur ta shprehja më parë sepse vetëm në orët e fundit kam vendosur vërtet t’i jap fund kësaj historie të mrekullueshme 9-vjeçare. Nuk më pëlqen të flas për lamtumirë.
Po e mbyll përvojën time në Bergamo si trajner i Atalantës, gjithçka tjetër, megjithatë, do të mbetet e pandryshuar. Përfundimi i marrëdhënies sime me klubin u vendos vetëm nga unë dhe asnjë përgjegjësi nuk duhet t’i atribuohet drejtuesve. Thjesht e kuptova se kishte ardhur koha për të ndërmarrë këtë hap.
Për të gjithë sezonin që sapo përfundoi, mendova vetëm se si ta lija fanellën zikaltër në pikën më të lartë të mundshme. Dhe e lë në vendin e tretë në renditje dhe e kualifikova për Ligën e Kampioneve, ku, edhe një herë, do të jetë në gjendje të luajë në stadiumet më prestigjioze në Europë, duke qenë në gjendje të mbështetet në një ekip të fortë plot me lojtarë të vlefshëm.
Me klubin kemi arritur rezultate padyshim të jashtëzakonshme. Do të doja të bëja më shumë, por nuk ia dola, por prapë u gëzuam shumë së bashku dhe jam i sigurt se do ta bëjnë përsëri. Pse, mund të pyesni, po largohem nga Atalanta? Për nevojën për stimuj të rinj, për besimin që më është dhënë dhe për entuziazmin e ripërtërirë që vjen prej tij. Një sfidë e vështirë? Shumë.
Megjithatë, po flasim për një sfidë të madhe, emocionuese, që më jep shumë adrenalinë. Do të shihemi përsëri në Piazza Pontida, premtoj! Adòss!!! Ps: Jam qytetar nderi i Bergamos dhe betohem se do t’i mbaj vlerat shumë të larta të këtij qyteti kudo dhe përgjithmonë”, e mbyll letrën e tij Gasperini.
E ardhmja e tij pritet të jetë te Roma gjithsesi do të shohim në ditët në vijim.
Discussion about this post