Klubi i Dinamos ka zyrtarizuar sot goditjen e radhës për sezonin e ri, duke shtuar alternativat në dispozicion të trajnerit Ilir Daja në përgatitjet për pjesëmarrjen në Ligën e Konferencës.
Mbrojtësi i majtë Faton Neziri, është bërë pjesë e klubit kryeqytetas. Ai ishte piketuar nga trajneri Ilir Daja në vitet e këtij të fundit në kampionatin kosovar dhe palët kanë gjetur marrëveshjen në këto ditë me futbollistin, i cili ka spikatur duke veshur fanellën e Dukagjinit.
“Dinamo City ka kënaqësinë të njoftojë se Faton Neziri është lojtari më i ri i skuadrës sonë. Mbrojtësi i krahut të majtë vesh fanellën blu pas disa eksperiencave në Kosovë, së fundi me Dukagjinin.
Neziri është përforcimi i tretë në merkaton e kësaj vere, pas Ysni Ismailit dhe Florenc Farrukut. Mirë se vjen Faton Neziri!”, shkruhej në njoftimin e klubit kryeqytetas.
gijotina.com/
Discussion about this post