Italia dhe Argjentina do të ndeshen së bashku në një finale ku do të përcaktohet kombëtarja më e mirë në botë.
Italia si fituese e kampionatit europian dhe Argjentina si fituesja e kupës së Amerikës do të përballen vitin e ardhshëm.
“Organizimi i kësaj ndeshje është pjesë e zgjerimit të bashkëpunimit mes CONMEBOL dhe UEFA, i cili përfshin në veçanti kategoritë e futbollit për femra, futsal dhe të rinj, shkëmbimin e gjyqtarëve dhe programet e trajnimit teknik.
Marrëveshja e arritur nga të dy organizatat aktualisht mbulon tre edicione midis fituesve kontinentalë, dhe gjithashtu parashikon hapjen e një zyre të përbashkët në Londër, e cila do të ketë detyrën e koordinimit të projekteve me interes të përbashkët’’, shkruhet në deklaratën e federatës së futbollit në Amerikën e Jugut.
