Kukësi – Vllaznia është një nga sfidat më të rëndësishme të kësaj jave të gjashtë të Superligës Shqiptare, e cila do të mbahet në ‘Egantia Arena’ në orën 13:45.
Të dyja ekipet do të kërkojnë fitoren në këtë takim ku ekipi i trajnerit Longo vjen menjëherë pas barazimit me Partizanin, ndërsa shkodranët janë të ‘karikuar’ pas fitores 6-3 kundër Dinamos.
Ndërsa sa i përket rregullit në këtë ‘supersfidë’, Federata Shqiptare e Futbollit drejtësinë ia ka besuar arbitrit Kreshnik Cjapit.
Dy asistentët e Cjapit do të jenë Ilir Tartari dhe Orgest Grabova, ndërsa arbitër i katërt Olsid Ferataj.
Mësohet se prapa ekraneve të sistemit VAR, do të jetë Enea Jorgji, që pavarsisht se ky system ka qënë aktiv që nga startimi i këtij sezoni të Superligës, shkodranët në tre ndeshjet e fundit, ato të Partizanit, Skënderbeut dhe Dinamos kanë patur shumë kontestime dhe vërejtje.
