Zyrtare/ Këta janë dy kandidatët për kreun e ri të PD

Komisioni i Organizimit dhe Kontrollit të Operacioneve Elektorale në PD ka zyrtarizuar dy kandidaturat që do të shkojnë në garë për kreun e partisë.

Sipas njoftimit zyrtar, ish kreu i degës së PD në Kukës, Ibsen Elezi do të jetë kandidati i vetëm që do të konkurojë përballë ish kryeministrit Sali Berisha për drejtimin e partisë.

“Në përfundim të afatit të paraqitjes së kandidaturave për kryetar të PDSH, kanë shprehur interesim për këtë garë, konform Vendimit Nr. 12 dt 03.05.2022: 1. Z. Sali Berisha, 2. Z. Ibsen Elezi”, njofton Komisioni i Organizimit dhe Kontrollit të Operacioneve Elektorale në PD.

Mbetet për t’u parë se sa vota do të marrë Ibsen Elezi përballë Berishës. Lideri historik i PD-së tha se do të kërkonte zgjedhjen në krye të partisë me referendum nëse nuk i dilte dikush përballë.