Skuadra e Laçit ka zyrtarizuar trajnerin Mirel Josa në krye të stolit deri në fundin e sezonit. Lajmi është konfirmuar nga vetë klubi në një komunikatë zyrtare.
“Zyrtare: Klubi ynë ka arritur marrëveshjen me Mirel Josën. Eksperienca e tij besojmë se do të ndihmojë skuadrën tonë për të përmbushur objektivat sezonalë. Mirësevjen ne familjen bardh e zi Profesor Mireli”, shkruante klubi i Laçit.
Trajneri Josa ka një përgjegjësi dhe sfidë të madhe pasi Laçi garon për objektiva maksimal dhe duhet të ndryshojë situatën në klub pasi bardhezinjtë kanë grumbulluar vetëm pesë pikë në gjashtë ndeshjet e para.
