Klubi anglez, Liverpooli ka konfirmuar edhe zyrtarisht transferimin e anësorit Federico Chiesa nga Juventusi.
Gjatë ditëve të fundit, Reds hyri në garë për yllin italian, duke arritur fillimisht marrëveshje personale me të.
Disa ditë më vonë, më saktë gjatë ditës së mërkurë, drejtuesit e Liverpoolit arritën marrëveshje edhe me Juventusin.
Pas udhëtimit në Angli, Chiesa përfundoi me sukses testet mjekësore dhe Reds tashmë e kanë konfirmuar si lojtar të tyre të ri.
“Kemi kënaqësinë të njoftojmë se kemi arritur një marrëveshje me Juventusin për transferimin e Federico Chiesas”, thuhet në njoftim.
Reds nuk kanë treguar se për sa vite kanë nënshkruar me Chiesan, por kanë konfirmuar se kanë marrëveshje për një kontratë afatgjate.
Transferimi i tij i ka kushtuar klubit anglez rreth 15 milionë euro, përfshirë bonuset.
Chiesa do të Mbajë te Liverpooli fanellën me numër 14.
We are delighted to announce that we have reached an agreement with Juventus for the transfer of Federico Chiesa, subject to international clearance. 🙌🔴 #BenvenutoFederico
— Liverpool FC (@LFC) August 29, 2024
Discussion about this post