Gugash Magani është larguar nga drejtimi i Lushnjës. Klubi i Kategorisë së Parë, ka njoftuar ndërprerjen e bashkëpunimit me trajnerin 59-vjeçar.
Ky vendim vjen dy ditë pas eliminimit surprizues së lagunarëve në Kupën e Shqipërisë, ndaj Orikut.
Në njoftimin e Lushnjës, thuhet se politikat dhe strategjia e klubit, nuk u gjetën në vija të përbashkëta me trajnerin dhe për këtë arsye palët vendosën të ndërpresin kontratën me konsensus.
“KF Lushnja 1930 dëshiron të informojë të gjithë opinionin futbolldashës lushnjar për ndërprerjen e bashkëpunimit mes klubit dhe trajnerit Gugash Magani! Politikat dhe strategjia e klubit nuk u gjetën në vija të përbashkëta kooperimi me trajnerin dhe për rrjedhojë të dy palët dakordësuan ndërprerjen e kontratës!
KF Lushnja 1930 i përcjell falënderimet më të sinqerta trajnerit për gjithë kontributin e dhënë dhe i uron suksese të mëtejshme në karrierën e tij! Faleminderit Gugash Magani”, thuhet në njoftimin e Lushnjës.
Discussion about this post