Nga nesër, sektorit të gastronomisë në Kosovë do t’i lejohet shfrytëzimi i hapësirave të brendshme, por me një kusht! Brenda do të hyjnë vetëm klientët që janë vaksinuar, janë të testuar apo nëse kanë me vete test serologjik.
Ministria e Shëndetësisë ka bërë të ditur se verifikimi është i lejueshëm edhe përmes formës elektronike, përmes QR kodit, ndërsa Agjencia e Ushqimit dhe Veterinarisë ka paralajmëruar se nuk do të ketë tolerancë për bizneset që shkelin masat antiCOVID-19.
Prej pandemisë së koronavirusit, fusha e gastronomisë ka qenë më e prekura në Kosovë, pasi lejohej që të punonin vetëm në ambiente të hapura. Po ashtu, shkollat dhe çerdhet do të hapen nga e hëna.
Të gjithat masat e marra do të rishikohen për 2 javë, pasi kohët e fundit Kosova ka shënuar një numër të madh viktimash, ndërkohë që janë vaksinuar mbi 500 mijë qytetarë.
