Klubi i Partizanit ka zyrtarizuar ditën e sotme shkarkimin nga detyra të trajnerit Ilir Daja. Në një reagim në rrjetet sociale, ‘Të kuqtë’ e kryeqytetit e konfirmuan këtë lajm duke njoftuar se Daja është larguar nga drejtimi i stolit të ekipit.
“Partizani njofton përfundimin e bashkëpunimit me trajnerin Ilir Daja. Në përfundim të vitit kalendarik të aktivitetit sportiv, drejtuesit dhe trajneri Daja kanë zhvilluar një takim në të cilin është diskutuar ecuria dhe performanca e skuadrës. Në përfundim palët kanë vendosur të ndahen miqësisht dhe të ndërpresin bashkëpunimin mes tyre për pjesën e mbetur të sezonit. Klubi falenderon trajnerin Ilir Daja për kontributin e dhënë dhe punën e përkushtuar që ka bërë gjatë gjithë kësaj periudhe në drejtimin e ekipit të Partizanit, duke i uruar njëkohësisht shumë suksese në të ardhmen.”-thuhet në njoftimin e Partizanit, që ende nuk ka bërë ne dije se cili do jetë zëvendësuesi i tij./K.T/Gijotina.com
Discussion about this post