Barcelona ditën e sotme ka konfirmuar se Memphis Depay, Eric Garcia dhe Rey Manaj, janë regjistruar në La Liga dhe do të jenë në dispozicion për ndeshjen kundër Real Sociedadit që zhvillohet këtë fundjavë.
Para kësaj jave, asnjë nga transferimet e reja nuk kishte mundur të regjistrohej, por tashmë treshja e përmendur i është zyrtarisht pjesë e skuadrës, ndërsa i lënduari Sergio Aguero mbetet akoma i paregjistruar.
Blaugranët kanë njoftuar se regjistrimi i tre futbollistëve ka ardhur falë Gerard Pique, i cili është dakortësuar të zvogëlojë pagën në masë të madhe, megjithëse përqindja e saktë nuk është bërë e ditur.
Klubi është ende në vazhdimësinën e bisedimeve me Sergio Busquets dhe Jordi Alba për zvogëlimin e rrogave të tyre, meqë situata është bërë urgjente për katalunasit.
Pas zvogëlimit të pagës së Pique, të ardhurat e Barcelonës janë rritur për 37.5 milionë euro nga largimet e Jean-Clair Tobido, Junior Firpo, Francisco Trincao, Carles Alena dhe Konrad de la Fuente.
Njëherësh, në listën e pagave nuk e kanë më rrogën e majme të Lionel Messit, i cili vendosi të mos rinovonte me Barcën dhe kaloi si transfer i lirë te PSG.
