Mesfushori i akademisë së Vllaznisë ka firmosur një kontratë 2-vjeçare me klubin slloven të Olimpia Ljubljana.
Talenti kuqeblu do të jetë pjesë e klubit slloven për dy vitet e ardhshme, ndërsa lajmi është bërë publik nga vetë palët përmes postimeve në rrjetet sociale.
Klevis Bebeziqi bashkohet kështu me skuadrën që dikur ka qenë shtëpi edhe për një tjetër talent shqiptar, Endri Çekiçin.
Ndonëse vetëm 18 vjeç, Bebeziqi është pjesë e kombëtares U-20 të Shqipërisë, ndërsa ka qenë në të gjitha ekipet zinxhir të kuqezinjve./Gijotina.com
