Tottenham ka emëruar ish-trajnerin e Chelseat dhe Interit, Antonio Conte, si teknikun e tyre të ri.
Klubi i Premier League shkarkoi Nuno Espirito Santo të hënën pas vetëm 17 ndeshjesh, me Spurs që renditen të tetët në tabelë.
Ai do të jetë në krye të Spurs deri në fund të sezonit në 2023-shin, ndërsa ekziston edhe mundësia e shtyrjes së kontratës me një vit tjetër.
Raportohet se trajneri italian do të paguhet 15 milionë euro në sezon, ndërsa pritet që të zbresë që nesër në fushë me skuadrën dhe debutimi i tij do jetë në ndeshjen e Conference League kundër Vitesses.
Conte rikthehet në Londër pasi fitoi Premier League në sezonin e tij të parë në Chelsea (2016-2017) dhe FA Cup në të dytin para se të shkarkohej në 2018.
Më pas 52-vjeçari udhëhoqi Interin drejt titullit të parë të Serie A për herë të parë pas 11 vitesh, përpara se të largohej nga klubi në maj.
Conte kishte qenë në krye për dy vjet dhe Inter deklaroi se ishte një vendim i përbashkët për t’i dhënë fund kontratës së tij me një vit të mbetur.
Ish-trajneri i Juventusit dhe Italisë ishte atëherë në bisedime me Tottenhamin në verë për t’u bërë pasardhësi i Jose Mourinhos.
Por negociatat u ndërprenë përpara se Spurs të emëronte ish-shefin e Wolves, Nuno në fund të qershorit, me trajnerin portugez, 47 vjeç, që zgjati në krye të pankinës për vetëm katër muaj./K.T/Gijotina.com
