Kukësi është një nga skuadrat më aktive gjatë kësaj merkatoje, me verilindorët që vazhdojnë të ndërtojnë skuadrën me elementë cilësorë.
Përveç afrimeve që drejtuesit kanë bërë, te verilindorët mendohet edhe për rinovimet me lojtarët që konsiderohen të rëndësishëm për Skënder Gegën për sezonin e ri.
I tillë është edhe rasti i Redon Dragoshit, i cili ka zgjatur kontratën me Kukësin edhe për një vit tjetër, teksa lajmin e ka bërë të ditur vetë klubi nëpërmjet një postimi në rrjetet sociale.
“FK Kukësi njofton se ka arritur marrëveshjen me mbrojtësin Redon Dragoshi për të rinovuar kontratën edhe për 1 sezon tjetër. Mbrojtësi 22-vjeçar ka firmosur sot kontratën e re e cila skadon në verën e vitit 2023, duke zgjatur në këtë mënyrë bashkëpunimin.
Dragoshi erdhi të Kukësi në sezonin 2020-2021 duke arritur të grumbullohet edhe me Shqipërinë U21. Klubi i Kukësit i uron suksese mbrojtësit kuksian Redon Dragoshi”, shkruan klubi verilindorë.
View this post on Instagram
Gjithashtu bëhet e ditur se kapiteni, Gjelbrim Taipi ka rinovuar kontratën dhe do të vazhdojë të mbajë veshur fanellën e Kukësit edhe për 2 vite të tjera.
“FK Kukësi njofton se ka arritur marrëveshjen me kapitenin Gjelbrim Taipi për të rinovuar kontratën edhe për 2 sezone të tjera. Mesfushori nga Tërnoci, ka firmosur sot kontratën e re e cila skadon në verën e vitit 2024, duke zgjatur në këtë mënyrë bashkëpunimin.
Taipi u bashkua me Kukësin në sezonin 2020-2021 duke qenë ndër futbollistët më të rëndësishëm në ekip dhe njëkohësisht duke marrë edhe shiritin e kapitenit”, shkruan klubi.
View this post on Instagram
Discussion about this post