Kreu i Kadastrës Artan Lame ka reaguar në lidhje me skandalin që u publikua ditën e sotme ku një punonjës i Kadastrës Sarandë merrte ryshfet nga qytetarët. Ky i fundit është vënë pranga, ndërsa Lame ka dalë në një deklaratë për mediat ku nuk ka mundur të mohoj dot abuzimet në përmasa të mëdha që bëhen në këto institucione Lame tha se ka shumë raste të tilla abuzimesh e se i vjen keq për këtë gjë. Drejtori u bëri thirrje punonjësve që të mos joshen nga paratë pasi duhet të mendojnë se mikrofoni i gazetarëve arrin në çdo skutë
“Dje në emisionin Stop shfaqej një punonjës i Kadastrës Sarandë që fuste duart në xhepat e qytetarëve. Unë sot mund të them çdo justifikim, por mund të them se duhet të jesh tërësish idiot për të mos kuptuar se ç’po bëhet vitet e fundit, veçanërisht në luftën kundër korrupsionit. Mund të them që është rast i veçuar dhe jo i përhapur. Mund të them shumë gjëra të këtij lloji, por nuk do them asnjë nga këto. Do u drejtohem shqiptarëve dhe do u kërkoj ndjesë shqiptarëve në emër të institucionit që drejtoj. Do i kërkoj ndjesë edhe punonjësve të ndershëm të Kadastrës. Falënderime i shkojnë edhe mediave. Kjo për faktin se mikrofoni mbërrin edhe atje kur dora ime nuk mbërrin e këtë duhet ta dini. Nuk vihen në diskutim përpjekjet tona në këtë drejtim. Vitet e fundit në Sarandë janë larguar nga puna 8 punonjës,” tha Lame
Zyrtari i Kadastrës së Sarandës, Laert Pasha, është vënë në pranga sot. Pasha u denoncua në emisionin ‘Stop’ pasi kërkonte 2 mijë deri në 4 mijë euro për favorizimin e qytetarëve, kundrejt marrjes së certifikatës së pronësisë.
Discussion about this post