Zyrtari i PD: Do zhvillohet protesta më e madhe ndonjëherë

Sekretari për Diasporën në Partinë Demokratike, Indrit Hoxha, është shprehur se opozita po bëhet gati për protestën më të madhe të organizuar ndonjëherë.

Komentet Hoxha i bëri përmes një postimi në faqen e tij në Facebook, ku tha se askush nuk mund ta asgjësojë opozitën dhe pluralizmin politik.

Ai shtoi se protesta do të jetë madhështore dhe qëllimi i saj është t’i jepet fund këtij regjimi.

“Opozita bëhet gati për protestën më të madhe! Askush nuk mundet të asgjësojë opozitën dhe pluralizmin politik! Protesta do jetë madhështore ku i duhet dhënë fund këtij rregjimi!”, është shprehur Hoxha.