Cristiano Ronaldo ka përfunduar testet mjekësore në Manchester United përpara rikthimit të tij pas 12 vitesh.
Superylli portugez ra dakord për një transferim në Old Trafford të premten, ndërsa mori avionin e tij privat nga Torino në Lisbonë ku u takua me agjentin Jorge Mendes dhe vendosi për të ardhmen.
Sipas ‘Sky Sports News’, Ronaldo kaloi kontrollet mjekësore gjatë fundjavës në kryeqytetin e Portugalisë dhe tani detajet përfundimtare po fiksohen përpara prezantimit zyrtar që pritet të bëhet nesër në mbrëmje, Kuptohet që kushtet janë akorduar, por procesi për të siguruar vizën e tij është në vazhdim.
36-vjeçari do të nënshkruajë një kontratë dyvjeçare me vlerë 480,000 £ në javë me ‘Djajtë e Kuq’ dhe ekziston mundësia e një zgjatjeje prej 12 muajsh.
Mbetet ende e paqartë se çfarë numri do të marrë pesë herë fituesi i Topit të Artë në Old Trafford, megjithatë duhet theksuar se 7-ën aktualisht e mban Cavani./Gijotina.com
