Gazetari dhe moderatori Sokol Balla do të zëvendësojë Ben Blushin në postin e drejtorit të Përgjithshëm në Top Chnannel. Lajmi për rikthimin në Top është konfirmuar nga vetë Balla nëpërmjet një postimi në rrjetet sociale.
Burime për Gijotina.com bëjnë me dije se Balla do të jetë drejtor i Përgjithshëm i një prej televizioneve më të mëdha në vend, duke u rikthyer në Top pas 5 vitesh kur u largua në dhjetor 2017.
Thuajse një muaj para rikthimit në Top, Balla njoftoi largimin nga NEWS 24 ku drejtonte emisionin “Real Story”, por pa treguar detaje se çfarë do të bëhej më tej me karrierën e tij. Më herët, Balla ka qenë në pozicionin e drejtorit ekzekutiv të televizonit Vizion Plus, ku moderonte emisionin “Real Story”.
Për 12 vjet ai ishte imazhi kryesor i Top Channel dhe drejtuesi i emisionit kryesor politik “Top Story”, për tu rikthyer sërish në krye të TV që shenjoi karrierën e tij mediatike.
Discussion about this post