Egnatia e sezonit të ri nuk do të ketë në radhët e saj një nga protagonistët e edicionit të kaluar që u mbyll me suksesin historik në Kupën e Shqipërisë dhe pjesëmarrjen në Europë, Mbrojtësi Alesnadro Kacbufi, u ka dhënë lamtumirën rrogozhinasve.
Nëpërmjet një postimi në rrjetet sociale, 23-vjeçari ka bërë të ditur se ka mbyllur marrëveshjen që kishte me klubin rrogozhinas.
“Përshëndetje. Nga sot nuk jam më pjesë e Egnatias. Falënderoj klubin, stafin, tifozët dhe të gjithë shokët e skuadrës për mbështetjen”, shkruante Kacbufi, i cili iu bashkua skuadrës në verën e vitit 2021.
Kacbufi luajti 22 ndeshje me fanellën e Egnatias në kampionatin e fundit, duke u kthyer në një element të rëndësishëm në skuadrën e drejtuar nga Tetova. Ai luajti edhe në ndeshjet e Ligës së Konferencës ndaj Ararat Armenia, teksa humbi një nga penalltitë që eliminuan skuadrën e tij.
Discussion about this post