Një mesazh i koduar i është dërguar një polici në Gjilan të Kosovës. Policia njofton se janë gjetur 10 fishekë para derës së oborrit të një efektivi policie.
Dyshohet se ngjarja mund të kenë ndodhur si shenjë paralajmërimi, nisur nga puna e efektivit. Ka qenë vetë ky i fundit ai i cili gjeti fishekët para derës së oborrit të tij, dhe ka lajmëruar kolegët.
“Ankuesi mashkull kosovar, pjesëtar i PK-së, ka raportuar se para derës së oborrit, ka hasur 10-fishekë të kalibrit 7.62 mm. Ankuesi dyshon se kjo është kanosje dhe ndërlidhet me punën e tij në polici. Lidhur me rastin është informuar edhe prokurori. Rasti është duke u hetuar”, njofton policia e Kosovës.
Ende nuk është identifikuar autori i ngjarjes, ndërsa policia po punon për zbardhjen e plotë të rrethanave.
Discussion about this post