Policia italiane ka arrestuar 8 shqiptarë pas një hetimi të gjatë disa vjeçar që zbuloi rrjetin e strukturuar të trafikut dhe shpërndarjes së drogës. Sipas mediave italiane, dyshohet se janë protagonistët kryesorë të një trafiku të strukturuar droge në të gjithë provincën e Parmës dhe rrethinat e saj, ndërsa të prangosurit banonin dhe punonin kryesisht ndërmjet Fidenzës dhe Salsomagiore.
Gjatë hetimeve të nisura në vitin 2018, Carabinieri di Fidenza kishin arrestuar tre persona për trafikun e kokainës me qëllim trafikimin, ndërsa disa të tjerë u shpallën në kërkim. Por edhe pse kishin arrestime, efektivët e Policisë italiane kishin zbuluar të plotë listën me 500 përdorues droge në zonë që furnizoheshin tek shqiptarët. Këta ishin përgjegjës për rreth 7000 shitje droge, duke bërë gati një milion euro xhiro në vit.
Prokuroria tha se shqiptarët planifikonin që shumat e mëdha të parave që nxirrnin nga trafiku i drogës, t’i pastronin përmes blerjes së pronave të paluajtshme në Shqipëri. Ndërsa 400 mijë euro, ua kishin gjetur para cash në banesë.
Discussion about this post