Nancy Crampton Brophy është një shkrimtare amerikane e cila kohë më parë kishte shkruajtur tregimin “Si të vrasësh bashkëshortin tënd”. Ndërkohë tani ajo është kthyer në qendër të medias pasi ka vrarë me armë bashkëshortin e saj për të përfituar një shpërblim prej 1 milionë dollarë nga sigurimet, u tha dje në gjyqin në Oregon, SHBA.
Crampton Brophy, pesë vjet pas vdekjes së burrit të saj Daniel Brophy, po gjykohet për vrasjen e tij, një ironi që lidhet dhe me librin e botuar prej saj.
Në gjykatë u tha se Crampton Brophy zotëronte të njëjtin model të pistoletës me të cilën u vra bashkëshorti i saj dhe megjithëse pretendimet fillestare se ishte në shtëpi në kohën e vdekjes, ajo është kapur nga kamerat e sigurisë nga skena e krimit.
Prokurorët thanë se Crampton ka vrarë bashkëshortin e saj me qëllim të përfitonte sigurimet e jetës prej $1.4milionë, pasi kishte mbetur keq për para. Por Crampton Brophy thotë se ajo nuk kishte motiv për ta bërë këtë pasi problemi i parave ishte zgjidhur me arkëtimin e një pjese të planit të sigurimit të pensionit të tij.
Lisa Maxfield, një prej avokateve të Crampton Brophy tha për gazetarët se vendimi do të apelohet. Në tregimin e saj ‘Hoë to Murder Your Husband’ (Si të vrasësh bashkëshortin) Crampton Brophy parashtronte mënyra të ndryshme për realizimin e një krimi ‘të pazbulueshëm’.
Por gjykatësi Christopher Ramras rrjedhimisht e përjashtoi tregimin të përfshihej në gjyq, duke thënë se mund të krijonte paragjykime pasi ishte publikuar fillimisht bë 2011.
Në një ese të vitit 2011, ajo shkruante: “Si një shkrimtare romantike e suspancës, unë kaloj shumë kohë duke menduar për vrasjen dhe rrjedhimisht dhe për procedurat e policisë”.
“Në fund të fundit nëse kryej një vrasje kjo duhet të më çlirojë, jo të më bëjë ta kalojë kohën në burg”, tregon ajo.
Daniel Brophy u gjet i vdekur nga plagë të shumta arme zjarri mëngjesin e 2 qershorit 2018, në shkollën e kuzhinës Oregon Culinary Institute, ku ai punonte. Në vendngjarje nuk kishte as shenja përleshjeje deh as grabitjeje, pasi Brophy kishte ende të trup portofolin e tij, celularin dhe çelësat e makinës. Dënimi për Crampton Brophy priet të jepet në seancën e 13 qershorit.
Discussion about this post