Kryeministri Edi Rama ka reaguar në lidhje me 11-vjetorin e 21 Janarit, ku mbetën të vrarë katër protestues të opozitës së asaj kohe, ndërsa kryeministër ishte Sali Berisha.
Teksa ka publikuar foton e një trëndafili të kuq, Rama e shoqëron edhe me një shkrim të shkurtër, ku ndonëse një nga premtimet elektorale të vitit 2013 ishte se do të vendoste drejtësi për katër personat e vrarë, sot pas 8 vitesh në pushtet, fyen familjarët e viktimave duke thënë se “drejtësia vonon po nuk harron”.
“Mirëmëngjes dhe me bindjen që drejtësia vonon po nuk harron, si edhe ndjesinë më në fund pozitive nga shenjat e dallueshme të veprimit të drejtësisë së re, nderojmë sot katër protestuesit paqësorë të 21 janarit, vrasja barbare e të cilëve kërkon drejtësi”, shkruan Rama.
Më 21 janar humbën jetën Aleks Nika, Ziver Veizi, Hekuran Deda dhe Faik Myrtaj, para kryeministrisë, në protestën e thirrur nga Partia Socialiste. Hetimi i parë çoi si të pandehur për ngjarjen Ndrea Prendin dhe Agim Llupon, që u dënua nga apeli me 1 dhe 3 vjet burg për “vrasje nga pakujdesia”.
Discussion about this post