Ish-kryeministri Sali Berisha gjatë konferencës së posaçme për prezantimin e Raportit për zgjedhjet e 14 majit u shpreh se Edi Rama nuk lejoi regjistrimin e kundërshtarit të tij politik, nga frika dhe tmerri.
“Sot ne paraqesim në vija të përgjithshme raportin e PD-së për farsën elektorale 14 maj 2023.
Ky raport bazohet në qindra dhe mijëra fakte, dokumente të konstatuara në të katër anët e vendit.
Në dhunimet e pashembullta të të drejtës së votës, në shndërrimin e zgjedhjeve në një farsë të vërtetë elektorale.
Këto që shihni ju këtu dhe të gjitha dosjet tjera janë dokumente zyrtare që dëshmojnë se Shqipëria kaloi me 14 maj farsën më të shëmtuar elektorale në historinë e saj 32-vjeçare.
Këto dokumente do të jenë pjesë e një raporti shumëvëllimësh, i cili do publikohet, me të cilin do njihen mediat, do njihen qytetarët shqiptarë, do njihen demokratët.
Por do njihen institucionet ndërkombëtare dhe qeveritë e vendeve të lira.
Do gjenden modalitetet për t’u hedhur edhe në Amazon, në mënyrë që të mund të njihet mbarë komuniteti ndërkombëtar me këtë farsë të shëmtuar zgjedhore, që ka për aktor kryesor Edi Ramën, një person të inkriminuar kokë e këmbë, i cili ka tmerr dhe ferr largimin nga pushteti për shkak të aferave të tij, mega-aferave të tij korruptive, kombëtare dhe ndërkombëtare.
Për shkak të mega-aferave korruptive të djegësve, të Portit të Durrësit, të Parkut të Butrintit, për shkak të mega-aferave familjare, pasurimit në mënyrë të përbindshme të anëtarëve të familjes së tij, për shkak të korruptimit që ky i ka bërë shefit të kundërzbulimit të agjencisë më të rëndësishme të zbulimit në botë, FBI, McGonigal.Berisha”, tha Berisha.
Më tej, Berisha u shpreh se “Zgjedhësve iu ndryshua vendi i votimit duke u shkelur ligji. Ushtria e patronazhistëve doli në rrugë, dhe dita e votimit ishte një ditë kulmore e farsës elektorale. Vota u kontrollua në mënyrë të tmerrshme, gjatë fushatës por edhe gjatë ditës së votimit.
Media ishte nën kontroll të plotë qeveritar, në fushatë dhe gjatë ditës së votimit.
Dokumentacioni mijëra faqesh është përgatitur me shumë kompetencë dhe përkushtim, një raport i shkëlqyer dhe i plotë.”
Discussion about this post