Erion Veliaj ka mbyllur këtë javë me tender në shkelje të ligjit. Nuk ishte si të ndodhte ndryshe nga një bashki e cila regjistron nivelin më të lartë te tenderove abuziv dhe në kundërshtim të plotë me ligjin, barra e të cilëve bie mbi taksapaguesit shqiptarë.
Këtë herë me një lëvizje, Veliaj ka surpriza dy kompanitë më të privilegjuar nga ai. Konkretisht, Bashkia Tiranë ka mbyllur dje një tende me vlerë 12 miliardë lekë me objekt “Furnizim me karburant për “Eco Tirana sha”, i cili është fituar nga Kastrati. Ky tender mbart një sërë shkeljes dhe abuzimesh.
Së pari edhe më parë Bashkia Tiranë ka bërë tender për të furnizuar me naftë institucionet dhe projektet që ajo ka në varësi, përfshirë këtu edhe pastrimin e qytetit që bëhet nga “Eco Tirana”. Por, kjo kompani nuk është kënaqur me milionat që merr për pastrim dhe kërkon fond më vete për furnizimin me naftë. Kështu pa e zgjatur shumë i ka rrëmbyer naftën falas bashkisë, kur në fakt fermerë dhe kategori të tjera që duhet të përfitojnë naftë falas, sorollaten dhe asgjë nuk marrin. Veliaj nuk është kursyes dhe ka zgjidhur qesen për këtë kompani.
Kastrati merr tenderin pa garë
Ndërkohë, një sërë shkeljesh të tjera evidentohen në dokumentet e tenderit. Për këtë projekt nuk është zhvilluar një garë komfort ligjit të prokurimeve, pasi ka paraqitur ofertë vetëm Kastrati sh.p.k. dhe Veliaj ja ka dhënë menjëherë tenderin. Ligji kërkon që në këto raste gara të shtyhet, pasi cenohet konkurrenca kur në garë nuk marrin pjesë më shumë se 2 kompani. Ndërkohë shkelja tjetër është bërë në vlerën e fondit limit. Përveç faktit që bashkia ka paraqitur një fond limit të lartë, ka pranuar ofertën shumë të shtrenjtë të Kastratit, e cila është sa 99% e fondit limit. Pra, sikur Gijotina. com ka denoncuar në shumë herë të tjera, Kastrati fiton çdo tender për naftë, sidomos nga Bashkia Tiranë, e cila e gostisë me vlera marramendëse.
“Eco Tirana” pasuron klientët e Veliaj
Eco Tirana përveç se merr përfitimet e saj nga Veliaj, është kthyer në një makinë që siguron para për klientët e Bashkisë. 6 vite më parë , Bashkia e Tiranës lidhi marrëveshje me një firmë nga qyteti i Veronës, për të krijuar Eco Tirana, që do të merrej me blerjen e kazanëve, larjen e qytetit, heqjen e materialeve inerte, pastrimin dhe derdhjen e mbetjeve pranë landfillit të Sharrës. Por, tashmë “Eco Tirana” përdoret për të mbuluar kontratat milion euroshe që u jepen kompanive private për pastrimin e kryeqytetit. Në dokumentet e tenderëve në vite rezulton se përmes Eco Tirana, Veliaj ka hapur projekte ku ka përfshirë edhe kompani të tjera.
Vetëm në një vit mbi 20 milion euro tendera, janë dhënë për disa kompani private, mes të cilave edhe e “preferuara”, Fusha sh. p. k. Kjo e fundit ka marrë një sërë tenderash kryesore në Tiranë, mes të cilave rikonstruksioni i godinës së Ministrisë së Brendshme e deri te ndërtimi i sheshit “Skënderbej” në Tiranë. Gjithashtu kjo do përfitoi nëpërmjet një kriteri qesharak, 3 tenderët prej 12.6 milion euro për ndërtimin e sheshit qendror të Tiranës.
Tashmë bashkë me Fusha shpk edhe kompania e Shefqet Kastratit po merr miliarda lekë nga Bashkia Tiranë, sigurisht përdoret si trampolin Eco Tirana, e cila më shumë po përfiton se sa po bashkëpunon. Dhe ky nuk është tenderi i vetëm që Kastrati ka përfituar Veliaj e justifikimin se po përmbushet kontrata me Eco Tirana/ Esmeralda Hida/
Discussion about this post