SPAK do të hetojë në mënyrë sektrete 13 kompani Call Center-i. Hetimet kanë nisur pasi në SPAK kanë mbërritur disa padi për mashtrimin me pasoja të rënda që shqiptarët u kanë bërë dhjetëra qytetarëve evropianë.
Paraprakisht mësohet se hetimi është kërkuar nga Gjermania, por më pas janë bashkuar edhe vende të tjera, si Italia dhe shtete nordike. Qytetarët telefonohen dhe i kërkohet të investojnë shuma të mëdha parash në bursë apo gjetkë, duke u sjellë humbje të mëdha parash.
Autoritetet e huaja kërkojnë të identifikohen disa numra llogarie bankare, numra telefoni dhe personat që qëndrojnë pas këtij biznesi të jashtëligjshëm që po vjedh qytetarët e tyre nga Shqipëria duke përdorur agjentë të rremë financiar.
Ndërkohë që vetëm pak ditë më parë, në një mbledhje me vartësit e tij, kryepolici Gledis Nano kërkoi kalimin në filtër të gjithë “call center” që operojnë në Tiranë, e jo vetëm. Nano kërkon një analizë të plotë për aktivitetin dhe ligjshmërinë e tyre. Ndërkohë që ky biznes është nga më të përhapurit në vendin tonë dhe ka siguruar vende pune për dhjetëra mijëra të rinj e jo vetëm.
