Sonte në mbrëmje fillon Kupa e Amerikës 2021. Argjentina dhe Kolumbia ishin zgjedhur në fillim, por situata e vështirë e pandemisë dhe tensioni politik ndikuan që CONMEBOL të zhvendoste në Brazil zhvillimin e kompeticionit më të rëndësishëm të kombëtareve latine.
Brazil-Venezuelë do të jetë ndeshja e parë e turneut, që nis sonte në orën 23:00. Covid-19 ka shkaktuar probleme të mëdha në ekipin mik. Plot 13 raste pozitive te Venezuela (8 futbollistë), por ndeshja do të zhvillohet pa probleme sipas planit.
Probleme edhe te Bolivia, ekip që është pjesë e grupit A, me rivalë si Argjentina, Kili, Paraguai dhe Uruguai. 4 pjesëtarë kanë rezultuar pozitive me Covid-19. Tre prej tyre janë futbollistë dhe njëri pjesë e stafit teknik.
Të infektuarit kanë nisur menjëherë karantinën, ndodhen të izoluar nga pjesa tjetër e skuadrës dhe gëzojnë shëndet të mirë. Bolivia luan ndeshjen e parë në Kupën e Amerikës më datë 15 qershor, ora 02:00. Përballë do të jetë Paraguai.
