Dy shqiptarë, të cilët dhunuan barbarisht një anglez në një klub nate në Peterborough, janë dënuar me dhjetë vite burg. Si pasojë e dhunës viktima pësoi gjakderdhje në tru.
Lulzim Sinimati, 27 vjeç dhe Fatos Kertolli, 36 vjeç, pretenduan se vepruan në vetëmbrojtje kur kryen sulmin, por u shpallën fajtorë për shkaktimin e lëndimeve të rënda trupore. Trupa gjykuese dëgjoi se si dyshja ishin në një pub në Broadway, kur një sherr shpërtheu rreth orës 3 të mëngjesit të 20 korrikut.
Pamjet e kamerave kapën viktimën duke u goditur vazhdimisht me grushte në fytyrë para se të binte në dysheme, ku më pas u godit me shkelma në trupin e tij në mënyrë të përsëritur.
Discussion about this post