Është dhënë sot vendimi për dënimin e dy të arrestuarve Altin Myslihaka dhe Adrian Begën, që akuzohen se janë përfshirë në trafikun e 137 kg drogë në Portin e Durrësit.
Gjykata e Posaçme vendosi 15 vjet burg, por nga gjykimi i shkurtuar ai ka përfituar 10 vjet burgim. Ndërsa 12.6 vite burg u dhanë për Adrian Begën, i cili nga gjykimi i shkurtuar ka përfituar 8.4 vjet burgim.
Sakaq, theksojmë se personi i tretë shqiptar i cili akuzohet se ëshët përfshirë në këtë veprimtari kriminale Gentjan Maldini vijon të jetë në kërkim. Për këtë arsye procesi ndaj tij është pezulluar për një vit.
Ja si u kap droga
Kontejnerët e bananeve kanë qenë kamuflazhi kryesor ndër vite i trafikimit të drogës, nga grupet kriminale. Megjithatë sasitë e mëdha të drogës, kryesisht kokainë janë zbuluar në portin e Durrësit. Kështu, referuar hetimeve, më 19 gusht 2019 kontejnerët mbërritën nga Ekuadori, tranzit në portin e Pireut në Greqi dhe në këtë moment nisi operacioni ku u zbuluan dhe u sekuestruan 500 kg kokainë nën koordinimin e DEA dhe autoriteteve greke. Të cilët më pas njoftuan edhe palën shqiptare. Pasi kontejnerët kanë qëndruar për 26 ditë në Pire ku janë bërë disa takime mes palës shqiptare, greke dhe koordinimin e DEA-s (zyrës kundër drogës së SHBA-ve me seli në Athinë) është vendosur dorëzimi i kontrolluar e më pas lejimi për udhëtim drejt Shqipërisë në Portin e Durrësit. Mesditën e 19 shtatorit të kontraktuarit paraqiten në terminal dhe hapin një nga kontejnerët. Sipas grupit hetimor ata kanë hapur vetëm kontejnerin me targë 313 duke hequr me një kaçavidë pllakën metalike dhe duke marrë prej atyre disa pako me çantë dore. Pako të cilat në vend të 137 kg kokainë kishin 136 kg oriz e gips si dhe 1 kg kokainë në të cilën kishte të montuar pajisjen e lokalizimit satelitor GPS duke u zbuluar.
Discussion about this post