14 maji/ Berisha zbulon sloganin e ri: Pa zgjedhje të lira, nuk ka zgjidhje

Ish-kryeministri Sali Berisha ka publikuar sot sloganin e ri që vjen pas rezultatit në zgjedhjet e 14 majit.

Nga takimi i përjavshëm që Sali Berisha po zhvillon ndërkohë me gazetarët në selinë e PD-së, kryedemokrati theksoi se “Pa zgjedhje të lira, nuk ka zgjidhje”.

“Pas nesh është baneri me sloganin e ri pas zgjedhjeve të 14 majit. Pa zgjedhje të lira, nuk ka zgjidhje”, e nisi fjalën e saj edhe zëdhënësja e Berishës, Floriana Garo.

Gjithashtu Berisha foli edhe për skandalin me zgjedhësit shëtitës.

“Më parë ju kam njohur dhe kam denoncuar publikisht mbi gjysmë milionë zgjedhës shëtitës fantazmë, të cilët po i veçojmë rreth pas rrethi.

Mund t’u them se në Bashkinë e Tiranës, me një total prej 697 mijë votuesish, 102 mijë prej tyre janë votues shëtitës apo 15 përqind e votuesve të Tiranës.

Pra, Tirana ka 1/5 e votuesve shëtitës, votues të cilët potencialisht kanë votuar më shumë se njëherë.

E para është shumë më e mundshme sepse një investigim pilot i bërë nga emisioni investigativ Piranjat, gjeti siç e dini, drejtori i Erion Veliajt, kishte regjistruar në katër apartamente bosh, nga katër zgjedhës në çdo apartament apo pesë.

Pra gjithsej i kishte mbushur me banorë që nuk ekzistonin, përkundrazi zgjedhës të sjellë nga zona të tjera pasi kanë votuar atje, për të hedhur votën për Erion Veliajn.

Ky hetim po vazhdon dhe do të vazhdojë rreth për rreth, qendër për qendër, ne do bëjmë publike të gjithë këtë mekanizëm gjigant, shtesë manipulative të farsës elektorale maj 2023”- ushpreh Sali Berisha.