Luis Meçja, 14-vjeçari që ngeli i plagosur gjatë sherrit, ku humbi jetën shoku i tij Martin Cani, është nisur sot në mëngjes për kurim në Bari të Italisë
Më herët, 14-vjeçari tregoi se u godit nga dy persona 4 herë me thikë, në stomak, në shpinë dhe në mushkëri. Përmes një Gofoundme, Luisi ka arritur të mbledhë shumën prej 80 mijë eurosh.
Bëhet me dije se i mituri është nisur sot drejt Barit, në Itali, për të marrë një kurim më të specializuar.
Luisi Meçe mbeti i plagosur nga ngjarja e rëndë e ndodhur pranë shkollës “Fan Noli” ku fatkeqësisht humbi jetën bashkëmoshatari i tij, Martin Cani.
Luisi ka këmbëngulur se është goditur nga dy persona, duke shtuar se plagët janë shkaktuar nga dy thika të ndryshme, pavarësisht se një version i tillë nuk është pranuar nga policia.
Sipas tij, në vendngjarje kanë qenë tre persona. Dy prej tyre, të armatosur me thika, janë ata që e sulmuan. Luisi identifikoi një prej autorëve si Mario, ndërsa përshkroi të dytin si një djalë me flokë të gjata, të cilin nuk e kishte parë më parë, por dyshon se është bashkëmoshatar i tij. Luisi tregoi gjithashtu për një person të tretë, që sipas tij nuk ishte i përfshirë në sherr, por vetëm e kishte ngritur nga toka pas incidentit.
“Nga ai moment mbaj mend që shoku i Marjos, një djalë me flokë të gjata më goditi pas shpine. U ktheva, e godita. Kur u ktheva përsëri pashë që Mario kishte nxjerrë thikën dhe po godiste Martinin në zemër, shkova direkt për të mbrojtur Martinin. Më pas më kapi një burrë që nuk e pashë kush ishte, më kapi dhe më ngriti në ajër. Kur u ktheva prapë pashë që Mario ishte ngritur dhe më drejtoi thikën për në zëmër.
Vura dorën përpara. Thika më preku vetëm pak zemrën. Më pas ai kaloi thikën nga dora e majtë në të djathë dhe donte të më sulmonte në fyt. Unë ula kokën dhe e godita me dorën e vetë në ballë. Pastaj vazhdoi lufta. Ai më qëlloi 6 herë në pjesën e kraharorit, por 4 herë më kapi. Unë pashë që thika e tij ishte më e madhe se dora ime dhe u tremba. Shkova dy hapa pas dhe e qëllova në fytyrë.
Më rrethuan dy. Nga frika që kisha i qëllova aq fortë, sa njërit ia përplasa kokën te hekuri, Marios. Atij tjetrit i kam qëlluar në sy dhe ia futa vrapit”, rrëfeu Luisi për mediat.
Nga ana tjetër Mario Prelleshaj, autori i vrasjes së 14-vjeçarit Martin Cani dhe plagosjes së Luisit është lënë në burg nga Gjykata e Tiranës.
Discussion about this post