14-vjeçari postoi foto në “Snapchat” pasi vrau bashkëmoshatarin pranë shkollës në Tiranë

Në foto është autori i dyshuar i vrasjes së bashkëmoshatarit të tij të hënën pranë shkollës “Fan Noli” në Tiranë.

Fotografinë dyshohet se e ka postuar pas vrasjes në aplikacionin “Snapchat”.

14-vjeçari pozon duke mbajtur një grusht lart. Ndërkohë po në pamje duket dëmtimi që ka marrë në dorë.

Në rrjetet sociale, ai ka publikuar edhe një thikë me të cilën dyshohet se qëlloi për vdekje bashkëmoshatarin.

Efektivët e policisë ende nuk e kanë gjetur thikën e përdorur në krim. Sot pritet që të merret në pyetje i riu për të dhënë versionin e tij në lidhje me sherrin.

Policia njoftoi se atij iu vunë pranga për “Vrasje me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”. Aktualisht, i mituri ndodhet në spital jashtë rrezikut për jetën si pasojë e dëmtimit që ka pësuar.