17-vjeçari shqiptar u dogj brenda makinës, del para gjykatës 18-vjeçari grek

Shëtitja rutinë me makinë e katër djemve të cilët sapo kishin mbaruar mësimin në gjimnaz është kthye në tragjedi për familjen e 17-vjeçarit shqiptar.
Viktima u dogj brenda makinës së drejtuar nga shoku grek i klasës pasi automjeti u përmbys në rrugë duke marrë flakë plotësisht. Fatkeqësisht, shqiptar mbeti brenda në makinë ndërsa shokët e tij arritën të dalin prej saj.

Ardhja e zjarrfikësve nuk e shpëtoi shqiptarin, i cili ndërroi jetë mes flakëve në Kefalonia të Greqisë.
Mediat greke bëjnë me dije se drejtuesi i makinës, një 18-vjeçar grek, i cili sapo e kishtë marrë patentën, pritet të dalë sot para gjykatës për të marrë masën e sigurisë.
Grupi i të rinjve, i përbërë nga grekë dhe shqiptarë dolën për të bërë një shëtitje me makinë menjëherë pas mbarimit të mësimit në gjimnaz, por diçka shkoi keq dhe shoferi i ri humbi kontrollin e mjetit duke shkaktuar aksident.