Moti i keq me reshje intensive shiu dhe dëbore në zonat malorë, është rikther në vendin tonë. Autoriteti Rrugor Shqiptar paraqet një gjendje të akseve rrugore ku ka rënë dëborë dhe u bën apel drejtuesve të mjeteve që të kenë shumë kujdes.
“Gjatë natës ka pasur reshje shiu dhe dëbore në zonat malore. Reshje dëbore ka pasur në: Boboshticë-Dardhë, Qafë Thanë-Kapshticë, Fushë Stude-Klenjë, Bajram Curri-Valbonë, Kukës-Ura e Zapodit, Qafë Mali-Fierzë, Dedaj-Razëm-Bogë, Kuben-Vasije, Qafë Qelë-Pukë-Fushë Arrëz-Fushë Dukagjin, pa sjellë probleme me qarkullimin”, njofton ARRSH.
Gjatë orëve në vijim priten temperatura të ulëta deri në -17°C në zonat malore, ku kontraktorët kanë punuar gjatë natës me mjete borëpastruese për pastrimin e rrugës dhe shpërndarjen e kripës.
“Gjatë orëve në vijim priten temperatura të ulëta deri në -17°C në zonat malore, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore” mbyllet njoftimi i ARRSH.
Java që vjen pritet që të jetë akoma më e vështirë me temperatura shumë të ulëta, ku ditën e djeshme ministrja e Arsimit, Evis Kushi njoftoi mbylljen e shkollave për tre ditë për shkak të motit të acartë që pritet të pushtojë vendin.
Discussion about this post